تاند:( پنجشنبه شنبه، د جدي دېرشمه) په کابل کې د طالبانو د سیاستونو معترضو ښځو ویلي، چې طالبانو ۳ ښځينه معترضانې په کابل کې نيولي او بنديانې کړي دي.
ويل شوي، چې د پروانه ابراهيم خيل او تمنا پرياني په نومونو دا معترضې ښځې تېر ماښام په کابل کې له خپلو کورونو څخه طالبانو نيولي دي.
د يوې بلې ښځينه معترضې د نیول کیدو خبر هم ورکړل شوی، خو جزییات یې نه دي روښانه شوي.
طالبانو د
سرچينې دا هم وايي، چې د يو شمېر نورو ښځينه فعالانو پر کورونو هم طالبان ورغلي، خو په موندلو یې نه دي بريالي شوي.
طالبانو د دغو ښځينه معترضانو د نيولو په اړه څه نه دي ويلي.
اوړمه ورځ په مزار شريف کې د حنیفه نظري په نوم د طالبانو يوه ښځينه منتقده، چې د دوی په مخالفت د لاریونونو په تنظیمولو کې فعاله وه، د خپل کور مخې ته موټر سایکل سپرو وسله والو ووژله.
د هغې د وژلو ملامتي پر طالبانو اچول شوې، خو دوی یې په اړه څه نه دي ويلي.
پرون د بشري حقونو په برخه کې د ملګرو ملتونو کمیشنرې ميشل باچله له نړیوالو وغوښتل، چې په افغانستان کې د بشري حقونو، په ځانګړي ډول د ښځو د فعالانو قاتلان تر فشار لاندې راولي او ځواب ويلو ته یې اړ باسي.