تاند:( شنبه، د جدي پینځه ویشتمه) د افغانستان په يو شمېر سیمو کې تېره شپه د ریختر په کچه ۵,۵ درجې درنه زلزله شوې، چې مرکز یې د هندوکش د غرونو لړۍ او په خاص ډول بدخشان ولايت و.
د زلزلې پېژندلو ځینو ادارو ويلي، چې د دغې زلزلې اصلي مرکز د بدخشان ولايت کشم ولسوالي او هغه هم د ځمکې سل متره زور والی و.
تر اوسه د دې زلزلې د تلفاتو کچه نه ده ښودل شوې، خو ځايي خلکو ویلي، چې زلزله ډېره خطرناکه وه او د ډېرو زیانونو د رامنځته کيدو وړاندوینه یې شوې ده.
ځايي چارواکو په دې اړه څه نه دي ويلي.
بدخشان له هندوکش غرونو سره د ډېر نيږدې والي له امله ډېر ځله د درنو زلزلو شاهد و.
د بېګانۍ زلزلې ټکانونه په کابل او یو شمېر نورو سيمو کې هم محسوس شوي دي.