تاند:( پنجشنبه، د جدي در ويشتمه) د طالبانو د حکومت وياند ذبيح الله مجاهد وايي، چې ازبکستان افغانستان ته د صادراتي بريښنا د پرې کیدو ستونزه بيرته حل کړه.
هغه په دې اړه ليکلي: موږ د ازبیکستان هیواد لخوا د بریښنا دستونزې د حل په اړه دهغه هیواد له چارواکو څخه مننه کوو.
نوموړي ټينګار کړی، چې دوی د خپلو ګاونډيو هیوادونو سره ښې او پياوړې اړیکې غواړي.
د هغه په وينا، ازبیکستان د دوی د اعتماد وړ ورور او همسایه هیواد دی او د دوی تر منځ ټولې ستونزې به د دوستۍ او ښه ګاونډيتوب په چوکاټ کې حل کیږي.
د طالبانو دفاع وزير ملا يعقوب مجاهد اوړمه ورځ ازبکستان او تاجيکستان ته د افغانستان د هلیکپټرو د سپارلو په اړه خبرداری ورکړ.
ويل کيږي، چې ازبکستان د همدې خبرداري په غبرګون کې پر افغانستان د خپلې صادراتي بریښنا ۶۰ سلنه قطع کړې وه.
ويل کېږي، چې اوس ازبکستان دغه قطع کړې بریښنا بیرته فعاله کړې.
له دې سره بيا هم په مختلفو ولايتونو کې خلک د بریښنا له کموالي شکایتونه لري.