تاند: ( جمعه، د جدي اوولسمه) په غور کې د طالبانو سیمه ییزو چارواکو ویلي، چې په بهاري سیمه کې یې څلور تنه د غیر قانوني کېندنو په تور نیولي.
د نیول شویو کسانو په اړه ډېر جزییات نه دي ورکړل شوي.
طالب چارواکي وايي، چې په ټول هېواد کې يې پر غیر قانوني کېندنو بندیز لګولی دی.
د یوه بل خبر له مخې، طالبانو په هرات کې درې تنه د وژنې په تور نيولي.
چارواکو ويلي، چې نيول شوي کسان په دې وروستيو کې د بادغيس د يوه اوسيدونکي په وژلو تورن دي.
په هرات کې د طالبانو د امنيې قوماندانۍ د رسنيو دفتر د يوې خبرپاڼې په خپرولو سره ویلي؛ دغه کسان د ښار په مربوطاتو کې د ځانګړوعملياتو په بهيرکې پېژندل شوي او نيول شوي دي.
سرچينه وايي: نيول شويو کسانو په لومړنيو تحقيقات کې د بادغيس د يوه اوسيدونکي په وژلو اعتراف کړى دى.
دهرات طالب چارواکي وايي د دغو کسانو دوسيې به ډير ژرعدلي او قضايي ارګانونو ته ولېږي.