تالبان فکر کوی چی افغانان حافظه نه لری او ددوۍ جنایات، وحشت. ظلمونه او د افغانستان ورانول يی ټول له یاده وتلی دی.

همدا وحشی ډله وه چی څومره بی ګناه افغانان يی په ځانمرګیو او نورو بمونو کی والوځول او د اختر ورځ او د روژی مبارکه میاشت هم ددوۍ د وحشت نه په امان نه وه.

د تیر نظام د مامورینو وژنی او ځورونی همدا اوس په ډیر زور سره روانی دی پداسی حال کی چی تالبان ددروغجنو عفو ډنډوری غږوی او د ولس او نړیوالو په سترګو کی خاوری اچوی.

تالبان د وحشت کرکی نفرت او تور جهالت پیداوار دی او یوازی همدغه تحفه افغانستان ته ورکولی شی چی مثالونه يی هره ورځ وینو.
د نجونو زده کړی بندول او د تعلیم او تحصیل په لار کی خنډونه پیداکول او د افغانانو سره چی ښځی او نر پکی شامل دی ناوړه سلوک ددوۍ د کرغیړنی مزدوری څیری نه پرده پورته کوی چی دوۍ هیڅکله د افغانستان خواخوږی نه دی
بلکه دوۍ د افغانستا ن د ښیرازۍ دښمنان دی چی په یو او بل نوم ورسره دا دښمنی تر سره کوی.

تر څو چی تالبان له ځانه انسانان جوړ نه کړی او انسانی اخلاق په ځانونو کی پیدا نه کړی ددوۍ د مذهب او شریعت دعوی یوازی ددرغو منافقت او قدرت ته د ځان رسولو لپاره یو جال دی چی ساده او ناپوه افغانان پکی را ګیر کړی او واک تر لاسه کړی.

که مونږ د تالبانو پټی او ښکاره کړنی په غور وڅیړو نو د لمر په شان راته ښکاری چی تالبان افغانان ذلیله کوی شرموی او ځوروی يی ددې لپاره چی پاکستان ته يی محتاج کړی او د پاکستان باداری ورباندی په زور ومنی او افغانستان د پاکستان په دروازو کی یو سوالګر محتاجه او ذلیله ودروی. د تالبانو وزیرانو دا هرڅه په ډاګه او په بی شرمۍ روان کړی دی.

که افغان ولس را ویښ نه شی نو دا تور جهالت به د افغانستان هغه شتمنۍ چی زمونږ ایده نسلونه دی لوټ کړی او په نتیجه کی به يی ټول افغانستان کنګل شی.

ملی خاینانو زمونږ شتمنۍ او جیبونه لوټ کړل او تالبان به مو اینده نسلونه له منځه یوسی.

ملت پوهیږی چه څوک درواغ وایی او ولی جکړه دریدلی ده. هغه چه تراخره په ځان پوه نسو او دخپلو بادارانو نه خبر نوو نو دهغه به څه قضاوت وی.