تاند- د ۲۰۰۵ م کال د دسمبر په ۳۱ مه د نړۍ تر ټولو لوړه ودانۍ د تایوان په پلازمېنه تایپې کې پرانیستل شوه.
دا اسمانڅوکې ودانۍ ۵۰۸ متره لوړه ده. تر ۲۰۰۹ م کال پورې د تایپې ودانۍ د نړۍ تر ټولو دنګه ودانۍ ګڼل کېده. له دې وروسته په نړۍ کې نورې لوړې ودانۍ جوړې شوې. اوس د نړۍ تر ټولو لوړه اسمانڅوکې ودانۍ په متحده عربي اماراتو کې برج الخلیفه ده.
د تایپې اسمانڅوکې ودانۍ یا د تایپې د نړیوالې سوداګرۍ مرکز د مځکې پر سر ۱۰۱ پوړه لري. په دې ۱۰۱ منزولو کې هغه پوړونه نه دي شمېر چې تر مځکې لاندې دي.
د دې اسمانڅوکې په جوړولو یو ملیارد او ۸۹۵ ملیون ډالره لګښت شوی دی.
سعودي عربستان غواړي چې په جده کې د دوبۍ تر برج الخلیفه لوړه ودانۍ جوړه کړي.
په برج الخلیفه باندې په ۱۹۹۴ کې کار پیل شو او په ۱۹۹۹ کې د یو ملیارد ډالره په لګښت بشپړ شو او د همدغه کال د دسمبر په لومړۍ نېټه پرانیستل شو.
برج الخلیفه، چې یو لوکس هوټل دی، ۱۹۷ اعشاریه ۵ متره لوړ دی.
د تایپې نړیوال تجارتي مرکز اسمانڅوکې ودانۍ په دې ورځ د نوي کال په درشل کې پرانیستل شوه.