تاند: ( پنجشنبه د جدي نهمه) د جمهوري نظام يو مخکښ چارواکی ګل آغا شېرزی، چې تازه پاکستان نه افغانستان ته را ګرځيدلی، د یوې غونډې له جوړولو سره پر امريکا متحده ايالاتو غږ کړی چې د افغانستان کنګل کړې بانکي زېرمې را خوشې کړي.
هغه پرون په کندهار کې وويل، چې ۸۰ سلنه افغانان وږي دي او که زړ مرستې ورونه رسیږي، بشري ناورين رامنځته کيږي.
د ده په وينا، په اوسني وضعيت کې به د طالبانو امارت هم دوام ونه کړي.
شېرزي د اسلامي هېوادونو له سازمان او ملګرو ملتونو څخه په دې برخه کې د عاجلو مرستو غوښتنه کړې ده.
نوموړي نه دي ويلي، چې د طالبانو د واکمنۍ ملاتړ يې کړی کنه، خو ټینګار یې کړی چې طالبان بايد د اوسني وضعيت د مقابلې لپاره له هېواده وتلي متخصصين بیرته را وغواړي.
په دې غونډه کې د کندهار يو شمېر سوداګرو او قومي مشرانو پر امريکا توندې نیوکې کړي او ويلي، چې د افغانستان د بانکي زېرمو کنګلول لوی ظلم دی.
تر ټایپي سهوې وروسته:
له تاند څخه هیله کیږي چې مصطلحات ناسم ونه کاروي!
((د جمهوري نظام يو مخکښ چارواکی ګل آغا شېرزی))؟؟
ښه به واي چې کښلي مو وای:
…یو مخکښ مفسد لنډغر یا جګړه مار چارواکی ګل اغا شیرزی…
له ملي بیرغ سره یې عکس نشرول، له بیرغه د خلکو د نفرت سبب کیږي!
لږ دقت پکار ده!
له تاند څخه هیله کیږي چي هر څه په خپل نوم و کاروي!