تاند، دوشنبه، د ثور ۲۹مه: ولسمشر غني له سیاسي هوکړې وروسته د اطلاعاتو او فرهنګ وزیره حسینه ساپۍ د ښځو چارو وزارت سرپرسته ټاکلې ده.
ولسمشر د یو حکم په ترڅ کې د ښځو چارو وزارت لپاره نوماند وزیره هم ټاکلې او له پارلماني چارو وزارت یې غوښتي چې نوموړې د باور د رایې اخیستلو لپاره ولسي جرګې ته معرفي کړي.
دا له عبدالله سره تر سیاسي هوکړې وروسته لومړۍ ګمارنه ده چې د ولسمشر لخوا ترسره کېږي.
ولسمشر تر دې وړاندې حنیف اتمر د بهرنیو چارو وزارت، احمد ضیا سراج د ملي امنیت عمومي ریاست، عبدالهادي ارغندیوال د مالیې وزارت او ظاهر ظهېر د اطلاعاتو او فرهنګ وزارت لپاره سرپرستان او نوماند وزیران ټاکلي دي.