تاند- د ویسټ انډیز د کرکټ ټیم د مسابقو لپاره پرون پاکستان ته ورسېد خو د درو لوبغاړو د کرونا ټیست یې مثبت و.
د ویسټ انډیز د کرکټ ادارې وویل، دا درې لوبغاړي به د پاکستان له لوبډلې سره په سیالۍ کې ګډون نه کوي.
ویل شوي چې دغو لوبغاړو د کورونا ضد بشپړ واکسین کړی او د ناروغۍ هیڅ نښه نه لري.
خو دوی به لس ورځې تر هغو قرنطین وي چې د بل ټیست نتیجه یې منفي راووځي.
ټاکل شوې ده چې د ویسټ انډیز او پاکستان د کرکټ لوبډلو ترمنځ لومړۍ شل اوره سیالي سبا (دوشنبې) پیل شي.
دواړه لوبډلې به درې شل اوره او درې یو ورځینۍ مسابقې وکړي.