تاند:( شنبه ، د قوس شلمه) د طالبانو د تېرې واکمنۍ پرمهال په پاکستان کې د دوی سفیر مولوي عبدالسلام ضعیف له طالبانو غواړي، چې په بهرنیو تعاملاتو کې ملي ګټې اساس وګرځوي.
نوموړي په یوه مرکه کې د پاکستان او طالبانو د اړیکو په اړه له ځواب ویلو ډډه وکړه، خو په همدې سپارښتنې یې اکتفا وکړه، چې افغانان باید له خوشباورۍ ځان وساتي او ملي ګټې د بهرنیو تعاملاتو اساس وګرځوي.
سلام ضعیف په دې مرکه کې د جمهوري نظام د سقوط او کابل ته د طالبانو د راتلو د ورځې کیسه هم وکړه او ویې ویل: په دې ورځ قطر کې وم، پخواني ولسمشر حامد کرزي د حکومت د سقوط او کابل کې د امنیتي خلا په اړه خبر کړم، د طالبانو ملافاضل او خیرالله خیرخواه سره مې وغږول او د کرزي په غوښتنه طالبان په دې خاطر کابل ته ننوتل، چې د واک د خلا له کبله کوم چورچپاول ونه شي.
سلام ضعیف په دې مرکه کې دا هم وویل، چې طالب مشرانو له حامد کرزي وغوښتل چې که د پرځول شوي نظام امنیتي رهبري موجوده وي، کابل دې د طالبانو د نه راتلو له ډاډ سره خوندي وساتي، څو دوی د تفاهم په وسیله د واک لېږد بهیر ترسره کړي.
دغه پخواني طالب مقام د طالبانو د حکومتولۍ په اړه هم خبرې لرلې او ویې ویل، چې د دوی واکمنیدو ښه امنیت تامین کړی، خلک په دې خوشاله دي، خو خلکو ته د کار روزګار او ډوډۍ غم په کار دی.
ملا ضعیف په دې مرکه کې د ځان په اړه وویل، چې حکومت کې د شاملیدو لېواله نه دی،خو د پنجشېر جبهې په ګډون ټولو سیاسي لوریو او افغانانو ته یې په حکومت کې په سیاسي مشارکت ټينګار وکړ.
د هغه څرګندونې په داسې مهال دي، چې څه موده مخکې د طالبانو رییس الوزرا مولوي محمد حسن اخوند ملت ته له ملي ټلویزون څخه پخپله خپریدونکې لومړنۍ غږیزه وینا کې وویل، چې د روزۍ وعده یې طالبانو نه، بلکې خدای تعالی کړې ده او دوی باید خدای ته د هغه په ټکیو «بغارې» ووهي.
د حسن اخوند دغه څرګندونې د خلکو له توندو غبرګونونو سره مخامخ شوې.
د بحران نړیوالې ډلې خبرداری ورکړی، چې د بشري ناورین او وژونکي ژمي له کبله ممکن په روان ژمي کې تر یو میلیون پورې افغانان تلف شي.
د ملګرو ملتونو په حواله، په افغانستان کې ۲۴ ميليونه خلک چې له نیمایي ډېر نفوس کیږي، فقر ځپلي او د خوراک کافي ډوډۍ نه لري.
نړیوال سازمانونه وېره لري، چې د بشري مرستو له ځنډ سره به په روان ژمي کې لږ تر لږه يو ميليون افغانان د فقر له کبله تلف شي.
این را با صراحت تام باید گفت: ملت ما ، ملت مسلمان است؛اما نه اسلام تنظیمی یا اسلام
که استخبارات همسایه خاین، به ما می خواهد بلکی اسلام محمدی صلی الله علیه و سلم ۰
ما منتظر پیام ها،تحلیل ها و ترمیمات سالم و مزید مولانا ضعیف صاحب و دیگر برادران
دلسوز به اسلام و ملت هستیم ۰
Afghan Pal ته سلامونه او نیکی هیلی
ستاسو د نطر سره همغږی یو او زمونږ د زړه خبره دی کړیده.
د ملا ضعیف صیب په څیر د هر یو رښتینی افغان ملاتړی یو چی په ګران هیواد افغانستان او افغانانو دردیږی.
ملا ضعیف صییب تاسو او ستاسو په څیر نور په هیواد مین او رښتینی افغانان باید د ظلم وحشت او تور جهالت په خلاف خپل غږ راپورته کړی او د افغانستان د تباهۍ او تیارو کندی ته له لویدو وژغوری. او هیڅ یو افغان څوک په یوه او بله پلمه د تعلیم او کار د حق څخه محروم نه کړی.