تاند(شنبه، د عقرب ۱۵مه) د افغانستان د کرکټ د ملي لوبډلې پخوانی لوبغاړی میرویس اشرف د کرکټ بورډ د نوي رييس په توګه وټاکل شو.
اشرف په داسې حال کې د کرکټ بورډ ريیس وټاکل شو چې د افغانستان لوبډله په نړیوال شل اوره جام کې په سیالیو بوخته ده.
میرویس اشرف په وروستیو کې د طالبانو له واک ته رسېدو وروسته د غوراوي د کمېټې ريیس ګومارل شوی و.
د طالبانو له واک ته رسېدو وروسته فضلي د کرکټ بورډ عمومي رييس وټاکل شو.
د افغانستان په کرکټ بورډ کې ټاکنې او تبدیلۍ تر بل هر بورډ زیاتې کېږي.
دا په داسې حال کې ده چې د طالبانو د سختدریځو پالیسیو له کبله د کرکټ په نړیواله شورا کې د افغانستان د کرکټ راتلونکې له نامعلوم برخلیک سره مخامخ ده.
د دې شورا مسوولان وايي، که یې په نړیوال شل اوره جام کې د افغانستان د ټیم د ګډون پرېکړه مخکې تر مخکې نه وای کړې، ښايي دې ټیم ته یې په دې سیالیو کې د ګډون اجازه نه وای ورکړې.