تاند:( دوشنبه، د عقرب لسمه) په يوه تازه رسنیزه شوې ویډیو کې لیدل کېږي، چې د طالبانو جنګيالي پر افغانستان له واکمنیدو وروسته، دباميان ولايت پر بوتانو ډزې کړي دي.
ويل شوي، چې دغه ویډیو د روان ميلادي کال په سپتمبر مياشت کې ثبت شوې ده.
په بامیان ولایت کې د بودایي دورې يو شمېر بوتان باقي پاتې دي، چې خورا تاريخي ارزښت لري.
طالبانو پخپله لومړۍ دوره واکمنۍ کې د باميانو څو ډېر مهم بوتان په بمونو والوځول، چې په نړیواله کچه له توندو غبرګونونو سره مخ شول.
پرون د افغانستان د بې واکه شوي ولسمشر محمد اشرف غني لومړي مرستيال امر الله صالح، په يوه ټویټ کې طالبان تورن کړل، چې د پاکستاني استخباراتو لخوا د نورو اهدافو تر څنګ د افغانستان د فرهنګ د نابودولو لپاره رامنځته شوي او ګومارل شوي دي.
طالبانو د تازه خپرې شوې ویډیو په اړه کوم غبرګون نه دی ښودلی.
دا به هغو خرو طالبانو کړې وي چې د پاکستان لپاره کار کوي. پاکستان پدې عمل هند خفه کول غواړي او د افغانانو سره یې اړبکي خرابول مقصد دی.