سه شنبه, جون 25, 2024
Home+په دې ورځ په لیزبون کې سخته زلزله وشوه

په دې ورځ په لیزبون کې سخته زلزله وشوه

تاند- له نن څخه ۲۶۷ کاله پخوا د ۱۷۵۵ م کال د نوومبر په لومړۍ نېټه د پرتګال په پلازمېنه لیزبون کې زوروره زلزله وشوه.

زلزله د سهار په ۹ بجې او ۴۰ دقیقې وشوه، ورپسې څونامي راغله او اورونه بل شول چې له کبله یې لیزبون په تېره بیا د دغه ښار سمندرغاړې سیمې سختې ویجاړې شوې او د هماغه وخت د ښار په درو کې یوه برخه نفوس یعني ۶۵ زره انسانان مړه شول.

په ځینو اسنادو کې ویل شوي چې د وژل شویو کسانو شمېر تر یولکو زیات و.

له زلزلې وروسته د پرتګال د شاهي حکومت صدراعظم مارکي دو پومبال په خپل ټول هیواد کې د زلزلې د مخکې تر مخکې نښو او د زلزلې د اټکل په اړه د څېړنو امر وکړ. دا لومړی ځل و چې د زلزلو د پېښېدو د علمي دلیل د موند لو لپاره هڅه پیل شوه.

د لیزبون زلزلې د اروپایانو په تېره بیا د اروپايي منورو پر ژوند ژور اغېز درلود.

LEAVE A REPLY

Please enter your comment!
Please enter your name here

- Advertisment -

ادب