تاند (چهارشنبه، د میزان ۲۱) د د کاناډا صدراعظم جسټین ترودو پرون / سې شنبې وویل، هیواد به یې په افغانستان کې د طالبانو له واک ته رسېدو وروسته ۴۰ زره افغانانو ته پناه ورکړي.
ترودو پر خپله ټویټرپاڼه کښلي «کاناډا ۴۰ زره کډوالو ته هرکلی وايي، او موږ پر نورو هم ږغ کوو چې په خوندي ډول د کډوالو د ځای پر ځای کولو لپاره خپل ملاتړ چټک کړي.»
Canada is welcoming 40,000 refugees and we’re urging others to step up their support to safely resettle refugees, too. More on Canada’s response and the steps we’re taking to support people in Afghanistan here: https://t.co/4V5h3FC8jm
— Justin Trudeau (@JustinTrudeau) October 12, 2021
د کاناډا د مهاجرت د چارو وزیر مارکو میدیسنو په سپټمبر کې ویلي و چې هیواد به یې تر ۲۰ زره ډېر؛ په ځانګړي ډول د ښځو، د بشري حقونو د کارکوونکو او زیانګالو اقلیتونو په شمول هغه افغانان ومني چې د طالبانو له لوري یې ژوند له خطر سره مخامخ وي.
د اګست په نیمايي کې د طالبانو له لوري د کابل له نیول کېدو وروسته تر یو لک ډېرو افغانانو ته امریکا، اروپا او نورو هیوادونو پناه ورکړه.