تاند- امریکا د لومړي ځل لپاره تر ږغ پنځه برابره چټک توغندی په بري وازمایه.
د امریکا دفاع وزارت (پنتاګون) وویل، دا توغندی تېره اوونۍ وازمویل شو او له ۲۰۱۳ راوروسته دا د (HAWC) توفندو لومړنی ازمېښت دی.
دا توغندی رېتیان (Raytheon) کمپنۍ جوړ کړی او د انجن تر فعالېدو څو ثانیې وروسته له الوتکې جلا شو او حرکت یې وکړ.
روسیه او چین هم هڅه کوي چې تر ږغ چټکو توغندیو ته انکشاف ورکړي خو تر اوسه هیڅ هیواد دومره چټک توغندي نه دي جوړ کړي.