تاند ( سې شنبه، د ميزان شپږمه) د طالبانو اسلامي امارت پر امريکا متحده ايالاتو تور لګولی، چې د بې پیلوټه الوتکو په وسیله یې د افغانستان هوايي حريم نقضوي.
باختر خبري اژانس، چې د طالبانو رسمي نشراتي ارګان ګرځیدلی، د دوی له قوله نن دا خیر خپور کړی.
د طالب مشرانو په خبره، د متحده ايالاتو بې پيلوټه الوتکې اوس هم د افغانستان په هوايي حريم کې را څرګنديږي، چې دا کار هم د اړوندو نړيوالو قوانينو او هم دوی سره د امریکا د دوحې د تړون خلاف عمل دی.
طالبانو پځ ټولو هېوادونو، په ځانګړي ډول پر امریکا غږ کړی چې د نړیوالو تعهداتو، ژمنو او قوانینو په رڼا کې له افغانستان سره د متقابل درناوي او کړو ژمنو تر سیوري لاندې تعامل وکړي څو د دوی په وینا د ټولو بدو عواقبو مخه ونیول شي.
امريکايي چارواکو د طالبانو دغې ادعا او خبرداري ته کوم غبرګون نه دی ښودلی.
مخکې امريکايي چارواکو ويلي و، چې په افغانستان کې د القاعدې ډلې فعالیتونه بيا په پیلیدو دي او دغه راز داعش ډله د پیاوړتیا په حال کې ده.
دوی ټینګار کړی و، چې د افغانستان خاوره له فضا څاري او په سيمه کې خپل هوايي امکانات به د طالبانو له همغږۍ او اجازې پرته د هغو ګواښونو د ځپلو لپاره وکاروي، چې د افغانستان له خاورې ورته متوجه کیږي.
په افغانستان کې د امریکا د بې پېلوټه الوتکو بریدونه یا الوت د ګاونډیو هیوادونو له همکارۍ پرته ممکن نه دی. ګومان کېږي چې د امریکا بې پېلوآه الوتکې به د پاکستان له خاورې راالوزي. پاکستان مخکې ویلي و چې د امریکا الوتکو ته اجازه ورکوي چې د دغه هیواد له فضا څخه افغانستان ته تېرې شي.
در اصل کی دوی د دی نه ډاریږی چی کوم یو را تخته نکړی. دا خو ټول بلک لیسټ دی.
هغه خو خير امريکا ده زورور ده دغه د طالبانو د مور د ميړه پنجاب نظامي الوتکي سي راځي او په هوايي ډګرو کې راکښته کيږي د هغو په هکله ولي څه نه وايي او که پنجاب افغانستان خپل بولي او طالبان د پنجاب مليشه ده؟ که نر وي د پنجاب په هکله د څه ووايي او ياد پنجاب ته ګوت څڼډنه وکړي.
دا خوسې خبری دی. که نران یاستی د افغانستان آسمان تر خپل کنترول لاندی راولی مه پریږدی چی پردی طیاره د افغانستان پر فضا تیره شی. خارجی سیاست مو د پاکستانیانو تر کنترول لاندی دی طالب خوسی بګواس لګیا دی.