تاند (جمعه، د سنبلې ۱۲) په کابل نړیوال کرکټ لوبغالي کې د ملي لوبډلې د لوبغاړو ترمنځ د خپلواکۍ تر نامه لاندې شل اوره سیالي ترسره شوه.
دا سیالي چې نن ترسره شوه پکې د سولې ساتونکو لوبډلې د ۶۲ منډو په توپیر سیالې لوبډلې ته ماتې ورکړه.
د لوبې پچه د سولې ساتونکو لوبډلې وګټله او د توپ وهنې پرېکړه یې وکړه.
د سولې ساتونکو لوبډلې په ټاکلو ۲۰ اورونو کې د اتو لوبغاړو په سوځېدو ۱۷۵ منډې ترسره کړې.
ناصر جمال ۴۷، جاوید احمدي ۴۱، شرف الدین اشرف ۳۰ او منیر کاکړ ۲۴ منډې ترسره کړې.
د سولې اتلانو لوبډلې په ګټه سمیع الله شینواري ۳، فرید ملک او افتاب عالم هر یو دوه- دوه او شمس الرحمن یوه ویکټ ترلاسه کړه.
د سولې اتلانو لوبډلې د لوبې په ۱۷.۱ اورونو کې د ټولو لوبغاړو به سوځېدو ۱۱۳ منډې جوړې کړې او لوبه یې د ۶۲ منډو په توپیر وبایلله.
په توپ وهنه کې افسر ځاځي ۲۷، ګلبدین نایب ۲۰، عثمان غني او غمي ځدراڼ هر یو ۱۶- ۱۶ منډې ترسره کړې.
د سولې ساتونکو لوبډلې لپاره په توپ اچونه کې حمزه هوتک، شرف الدین اشرف، سید شېرزاد او یوسف ځاځي هر یو دوه- دوه، عبدالرحمن او حشمت شهیدي هر یو یوه- یوه ویکټ ترلاسه کړه.
د لوبې غوره لوبغاړی شرف الدین اشرف وټاکل شو.