تاند ( پنج شنبه، د سنبلې ۱۱) د زمبابوې او ایرلنډ ترمنځ د پنځه شل اوره لوبو په ۳مه لوبه کې ایرلنډ، زمبابوې ته په ۴۰ منډو ماتې ورکړه.
دا لوبه تېره شپه ترسره شوه.
د لوبې پچه د زمبابوې لوبډلې وګټله او کوربه ایرلنډ ته یې د توپ وهنې بلنه ورکړه.
ایرلنډ په ټاکلو شلو اورونو کې د ۲ لوبغاړو په سوځېدو ۱۷۸ منډې وکړې.
د ایرلېنډ لپاره پاول سټرلینګ ډېره په زړه پورې او چټکه توپ وهنه وکړه او ۱۱۵ ناسوځېدلې منډې یې وکړې.
زمبابوې د ایرلنډ له لوري ټاکل شوی هدف پوره نشو کړای او ټوله لوبډله یې په ۱۹ اورونو کې د ۱۳۸ منډو په ترسره کولو وسوځېده.
زمبابوې لپاره کرېک ارون تر نورو ډېرې ۳۳ منډې وکړې.