تاند ( پنج شنبه، د سنبلې ۱۱) د کارابین په سوداګریزو لوبو کې ۱۲ مه لوبه د جمیکا تالاواس او کېټۍ پاټورېټس لوبډلو ترمنځ ترسره شوه.
د دې لوبې پچه کیټس وګټله او جمیکا تالاواس لوبډلې ته یې د توپ وهنې بلنه وکړه.
جمیکا لوبډلې په تاکلو شلو اورونو کې د ۸ لوبغاړو په سوځېدو ۱۶۶ منډې وکړې.
د پاټوریټس لوبډلې د ۱۶۷ هدف په ۱۸ام اور کې پوره او لوبه یې د ۴ لوبغاړو په سوځېدو په خپل نوم کړه.
د دې لوبې غوره لوبغاړی شرفین روترفورډ ونومول شو.
ټاک شوې چې د روان لیګ په نن ماښام لوبو کې ګیانا امازون له سانټ لوشیا کینګز سره او سبا سهار بارباډوس رویالز له کیټس پاټوریټس سره لوبه ترسره کړي.