تاند (پنجشنبه، د سنبلې ۱۱) د استرالیا د ملبرن (RMIT) پوهنتون څېړونکو له نینو ټکنالوژۍ څخه په استفادې داسې باکتریا ضد او ارزانه بانډاژ جوړ کړی چې که په ټپ کې چرک یا عفونت پیدا شي رنګ بدلوي.
کله چې ټپ چرک وکړي، د ټپ ځای له اسیدي حالته په القلي حالت اوړي. دا تغییر سبب کېږي چې په بانډاژ کې موجود مګنیزیم هایدرو اوکسایډ د ماروا بنفش وړانګې په مرسته روڼ رنګ خپل کړي.
څېړونکي وايي چې د دغه بانډاژ د جوړولو لګښت ډېر کم دی او د دیابیټ د زخم په شمول د هرراز ټپ د درملنې لپاره خورا ګټور دی.