تاند ( چهارشنبه، د سنبلې ۱۰) د افغانستان کرکټ مسوولانو د شپږېزه کرکټ لیګ د ځنډ خبر ورکړ.
کرکټ بورډ وايي د کورني کرکټ اتم پړاو شپږیزه کرکټ لیګ سیالۍ یې تر نامعلومې نېټې وځنډولې.
د سرچینې په خبره دوی دا پرېکړه د شپږیزه لیګ د ټولو لوبډلو د امتیاز لرونکو سره په ګډه د روان وضعیت او په ځانګړي ډول مالي او بانکي ستونزو ته په کتو کړې ده.
ټاکل شوې وه، چې د افغانستان کورنی کرکټ شپږیزه لیګ اتم پړاو لوبې د راتلونکې سیپټمبر میاشتې په لسمه نېټه کابل کې پیل او د همدغې میاشتې تر ۲۵ مې نېټې پورې به دوام وکړي، خو وځنډېده.
سرچینه زیاتوي، چې په دې پرېکړه کې سرپرست رئیس عزیزالله فضلي، اجرایوي رئیس حامد شینواری او د شپږیزې لیګ کمېټې تر څنګ د ټولو لوبډلو د امتیاز لرونکي شامل وو.
کرکټ بورډ ډاډ ورکوي، چې راتلونکي کې به د شپږیزې کرکټ لیګ اتم پړاو به په یو مناسب وخت او په ښه ډول ترسره کړي.