تاند ( شنبه، د اسد ۱۶) د آسټرالیا او بنګله دېش ترمنځ د شل اوره لوبو لړۍ بنګله دېش لوبډلې وګټله.
د دې لوبو په لړ کې درېیمه شل اوره لوبه هم تېره شپه بنګله دېش لوبډلې وګټله.
د روانې لوبلړۍ له لوبو څخه یواځې درې لوبې ترسره شوي، چې درې واړه بنګله دېش لوبډلې ګټلي او دوه نورې یې لا پاتې دي.
دا د بنګله دېش کرکټ تاريخ کې لومړی ځل دی چې له اسټراليا څخه لوبلړۍ ګټي.
په درېیمه لوبه کې لومړی بنګله دېش توپوهنه وکړه او په ټاکلو شلو اورونو کې یې د ۹ لوبغاړو په سوځېدو ۱۲۷ منډې وکړي.
اسټرالیا ټاکل شوی هدف پوره نشو کړای او په ۲۰ اورونو کې يې د ۴ لوبغاړو په سوځېدو ۱۱۷ منډې وکړې او لوبه یې وبایلله.