تاند- ۳۱ ديرش کلنه امريکايۍ سامانتا د نړۍ تر ټولو غټه خوله لري.
سامانتا اوس په ټيک ټاک کې خورا مشهوره شوې ده او همدا غټه خوله ورته د ګټې وټې لويه سرچينه ګرځېدلې.
هغې د غټې خولې د لرلو له امله د ګينس د ريکارډونو په کتاب کې خپل نوم ثبت کړی دی.
سامانتا اوس په ټيک ټاک کې ۱۷لکه څارونکي لري او ډير کسان يې د هرې ويډيو خپرېدو ته په ډیرې لېوالتيا سره په تمه وي.
دا وايي که مو اندام او د بدن غړي طبيعي نه وي کيسه کې يې مه اوسئ،خو ګورئ چې د ګينس په کتاب کې مو نوم ثبتول هېر نه کړئ.
دا په خپلو ويډيوګانو کې د خپلې غټې خولې کمالونه ښيي،کله يې روغه مڼه په خوله ننه ايستي وي او کله يې زموږ په عاميانه اصطلاح يو جريب خوله خلاصه کړې وي.
د سامانتا هره ويډيو له ۱۰تر ۱۵زره ډالرو عايد لري.
دا اوس د خپل بدن پر نورو غړو هم خواري کوي او له تير کال راهيسې يې خپل وزن ډير کم کړی دی.