تاند( سه شنبه، د اسد۱۲) د ملکي هوایي چلند ادارې مسوولان وایي، چې د هرات په ګډون مزار او کندهار ته ملکي الوتنې په بشپړه توګه نورمالې شوي دي.
سرچینه وایي، چې د دې الوتنو په لړ کې نن سهار د دغه ادارې رییس هرات ته سفر وکړ.
د معلوماتو له مخې یادو ولایتونو ته د نا امنیو له امله الوتنې ځنډېدلې وې.
د جګړو له امله په دې وروستیو کې د طالبانو د بریدونو له امله ډېر خلک بې کوره شوي او ملکي خدماتو ته یې سخت زیان رسولی دی.
د وروستیو راپورونو له مخې یواځې په کندهار کې تر ۲۲ زره کورنۍ د جګړو له امله بې ځایه شوي او اوس په سختو حالاتو کې ژوند تېروي.
د روانو جګړو په لړ کې په هرات کې هم په دې وروستیو کې په زیات شمېر کورنۍ جګړو له خپلو کورنو وویستې.
د ملي روغې جوړې د عالي شورا مشر عبدالله عبدالله وایي، زموږ هېواد او خلک په یوه تاریخې آزموینه کې دي.
هغه زیاتوي د هرات، تالقان، کندهار او هلمند په لویو ښارونو باندې د طالبانو بریدونه د دغه ډلې د ویجاړونکو نیتونو ښکارندویي کوي.
عبدالله زیاتوي چې هرات بیا د برید لاندې دی او د هرات خلک په دې آزموینه کې یواځې نه دي او ټول افغان ملت ورسره ولاړ دي.
افغانانو د الله اکبر په نارو او پنجابیانو د روانو وژنو او ګډوډیو په ستاینو شپه رڼه کړه