تاند(شنبه، اسد٩) – د لغمان ولايتي چارواکي وايي، د دوو ټرافیکي پېښو له امله ٢٠ کسان مړه او ١٨ نور ټپیان شوي دي.
د لغمان د والي وياند اسدالله دولتزي وویل: “تېره شپه د قرغیو ولسوالۍ اړوند د نارنج باغ سيمه کې د سراچې او کاسټر ټکر له امله ٨ تنه مړه او ١٠ ټپیان دي چې ماشومان او ښځې په کې شاملې دي. دغه راز نن سهار د عزیز خان کڅ په سيمه کې د يوې ټوډې موټر او دوو سراچو د ټکر له امله ١٢ مړه شوي او ٨ ټپیان دي.”
دولتزي زياته کړه، د دواړو پېښو مړه او ټپيان د لغمان او ننګرهار ولایتي روغتونونو ته لېږدول شوي دي.
ياده دې وي، چې پر لويو لارو ټرافیکي پېښې د موټر چلوونکو د بې احتياطۍ له امله رامنځته کېږي چې هر کال لسګونه کسانو ته په کې مرګ ژوبله اوړي.