تاند ( دوشنبه، د اسد ۴) د هند د تامل فلمي صنعت نوموتې هنرمنده جیانتي د ۷۶ کلونو په عمر مړه شوه.
هندي رسنۍ وایي، چې نوموړې د ډېر زړښت له امله په ډېرو ناروغیو اخته وه او له همدې امله مړه هم شوه.
سرچینې وایي، چې جیانټي د سویلي هند د ژبې له ۵۰۰ څخه په ډېرو فلمونو کې کار کړی دی.
د معلوماتو له مخې جیانتي په فلمي صنعت کې د ابینیا شاراد په نوم سره یادېده.
هغې په ۱۹۶۳ کال د نڅاګرې په توګه خپل کار پیل کړ او په ډېرو فلمونو کې يې خپله اداکاري وښوده.
جیانټي په کال ۲۰۰۵ کې جایزه هم اخیستې ده.
د نوموړې په مړینه د هندي سینما ګڼو لوبغاړو خواشینې ښودلې ده.