تاند- د توکیو د ۲۰۲۰ کال په المپیک سیالیو کې ټاکل شوې نن یکشنبه افغان لوبغاړی مهدی یاوري د نښې ویشتنې په برخه کې سیالۍ ته ووځي.
د افغانستان د المپیک ملي کمېتې ویاندې بنفشې فیضي ازادي راډیو ته وویل، له افغان لوبغاړی مهدی سره سیالۍ ته د بیلابیلو هیوادونو ۴۵ نور لوبغاړوې ولاړ دي.
دا سیالۍ چې وړمه ورځ پيل شوې د راتلونکې اګسټ میاشتې تر ۸ مي نېټې پوري دوام کوي.
د افغانستان د المپیک د ملي کمېټې د معلوماتو له مخې، په دې سیالیو کې به د افغانستان په ګډون له ۲۰۷ هیوادونو څخه ۱۱ زره ۳ سوه لوبغاړي په بېلابیلو سیالیو کې ولوبیږي.
له افغانستانه په کې پنځه لوبغاړو ګډون کړی چې يوه یې مېرمنه ده.