تاند(جمعه، اسد 2)- يوناما او د افغانستان لپاره د امریکا ځانګړي استازي زلمي خلیلزاد د شنبې په ورځ په يوه ګډه خپره کړې اعلاميه کې په افغانستان کې د جګړې له ښکېلو خواوو غوښتنه کړې چې د سياسي جوړجاړي لپاره جګړه ودروي او د مذاکراتو له لارې پرمختګونه رامنځته کړي.
دغه راز اعلامیه کې راغلي، د سازمانونو او هېوادونو ډله له افغان سره ځواکمن ګډون ته ژمنه ده او د لېږد د نوي بهیر پړاو کې د بهرنیو ځواکونو له وتلو سره پرمختګونه څاري.
دغه اعلامیه داسې مهال خپره شوې، چې په افغانستان کې جګړو زور اخيستى او په قطر کې د ښکېلو خواوو ترمنځ د سولې وروستۍ غونډې کومه ملموسه پايله نه ده ورکړې.
تېره ورځ په قطر کې د طالبانو د مرکچي پلاوي يو غړي سهېل شاهین وویل، تر هغې د سولې نه کوي چې ولسمشر غني له واکه لاس په سر نه شي خو ارګ بيا د دوى د دې غوښتنې په غبرګون کې ویلي، کله چې طالبان د خلکو وژل ودروي نو په جدي مسایلو بحث ته چمتو دي.