تاند (پنج شنبه، د سرطان ۳۱) ټاکل شوې یوه ورځ وروسته په جاپان کې د المپیک دوه دېرشم پړاو لوبې پیل شي.
د دې لوبو په څلورو سپورټي برخو کې ۵ افغان لوبغاړي ګډون کوي.
د ځغاستې ۱۰۰ متره سیالیو کې دوه افغان لوبغاړي کیمیا یوسفي او شاهمحمود نورزایي، د لامبو وهنې برخه کې فهیم انوري، د نښې ویشتنې برخه کې مهدي یاوري او د تکواندو برخه کې فرزاد منصوري د افغانستان په استازولۍ یادو لوبو کې لوبېږي.
په یادو لوبو کې لوبېدونکو لوبغاړو د بشپړ چمتووالي ډاډ ورکړی او هیله یې ښودلې چې لاسته راوړنې به ولري.
د توکیو المپیک سیالیو کې د نړۍ له ۱۶ هېوادونو ۱۹۵ لوبغاړي برخه اخلي.