تاند ( چهارشنبه، دسرطان ۳۰) د عامې روغتیا وزارت مسوولان وایي، چې تر دې دمه ۱۵ تنه د هېواد په ۷ ولایتونو کې پر تور فنګس ناروغۍ اخته شوي دي.
د یادونې ده، چې پر یادې ناروغۍ لومړنی کس د روانې سرطان میاشتې په لومړۍ نېټه اخته شوی وو.
د عامې روغتیا وزارت مرستیال ویاند میرویس علیزي رسنیو ته ویلي، چې یواځې په کابل کې پر دې ناروغۍ ۸ تنه اخته شوي دي.
د علیزي په خبره دوه نورې په بلخ او پاتې پینځه یې په نورو ولایتونو کې ثبت شوي دي.
دا په داسې حال کې ده، چې د عامې روغتیا وزارت د معلوماتو پر اساس پر تور فنګس اخته کسان په افغانستان کې پر کورونا هم اخته وو.