تاند ( دوشنبه، د سرطان ۲۸) د سرېلانکا او هند ترمنځ لومړۍ نړیواله یو ورځنۍ لوبه تېره شپه هندۍ لوبډلې وګټله.
سرېلانکا پچه وګټله او لومړی یې توپوهنه غوره کړه.
سریلانکا په ټاکلو ۵۰ اورونو کې د ۹ لوبغاړو په سوځېدو ۲۶۲ منډې وکړې.
چمیکا کرونارتنی ۴۳ ناسوځېدلې، داسون شناکا ۳۹ او چاریت اسالنکا ۳۸ منډې وکړې.
د هند لوبډلې په ۳۷ اورونو کې د ۳ لوبغاړو په سوځېدو ټاکل شوی هدف پوره کړ او د ۷ لوبغاړو په شتون کې یې لومړۍ نړیواله یو ورځنۍ لوبه وګټله.
شیکر دهوان ۸۶ ناسوځېدلې، ایشان کشن ۵۹ او پریتوي شاو ۴۳ منډې وکړې.
د یادونې ده ، چې دا لوبې د ای سي سي د نړیوال جام د سوپر لیګ برخه دي، چې دویمه نړیواله یو ورځنۍ لوبه به یې د داوړو لوبډلو ترمنځ د جولای په ۲۰مه نېټه ترسره شي.