تاند ( دوشنبه، د سرطان ۲۸) د انګلستان په سوداګریز لیګ کې افغان لوبغاړو غوره توپ اچونه ترسره کړه.
د برمنګهم بیرز او نارتهمپټن شایر لوبډلو ترمنځ په لوبه کې برمنګهم لومړی توپوهنه وکړه چې د ۶ لوبغاړو په زیان یې ۱۹۱ منډې وکړې.
محمد نبي په ۴ اورونو کې د ۲۳ منډو په ورکولو سره ۲ لوبغاړي وسوځول او په توپ اچونه کې یې ۸ منډې ترسره کړې خو لوبه یې وبایلله.
بله لوبه د میډلسیکس او ایسیکس لوبډلو ترمنځ ترسره شوه، چې میډلسیکس لومړی توپوهنه وکړه او د ۵ لوبغاړو په سوځېدو یې ۱۶۹ منډې وکړې.
مجیب الرحمن او بلیک کولین ۲-۲ لوبغاړي وسوځول او مقابله لوبډله هدف ته په رسېدو کې پاتې راوسته.
دغه راز بله لوبه د کینټ او سسیکس لوبډلو ترمنځ ترسره شوه، چې په پیل کې کینټ پچه وګټله او لومړی یې توپوهنه غوره کړه.
کینټ په ټاکلو ۲۰ اورونو کې د ۷ لوبغاړو په سوځېدو ۱۳۰ منډې وکړې.
راشد خان ۱ لوبغاړی وسوځوله او په توپوهنه کې یې ۴ ناسوځېدلې منډې وکړې.
په یادو لوبو کې به نن لومړۍ کوارټر فاینل لوبه د یارکشایر او سسیکس او دویم کوارټر فاینل لوبه د ناټینګهم شایر او همپشایر لوبډلو ترمنځ ترسره شي.