تاند ( شنبه، د سرطان ۲۶) د بنګله دېش کرکټ ملي لوبډلې په لومړۍ یوه ورځنۍ لوبه کې زمبابوې ملي لوبدلې ته په ۱۵۵ منډو ماتې ورکړه.
د لوبې پچه زمبابوې وګټله او بنګله دیش لوبډلې ته یې د توپ وهنې بلنه ورکړه.
بنګله دېش په ټاکلو ۵۰ اورونو کې د ۹ لوبغاړو په سوځېدو سره ۲۷۶ منډې وکړې او زمبابوې ته یې د ۲۷۷ منډو هدف وټاکه.
لیتن داس ۱۰۲، عفیف حسین ۴۵ او محمدالله ۳۳ منډې وکړې.
د زمبابوي لوبډلې په ۲۹ ام اور کې خپل ټول لوبغاړي له لاسه ورکړل او یواځې یې ١٢١ منډې وکړې.
زمبابوې دغه لوبه د ١٥٥ منډو په ستر توپیر وبایلله.
د زمبابوي لوبډلې لپاره ریکس چکابوا غوره توپ وهنه ترسره کړه او ٥٤ منډې ترلاسه کړې.