تاند ( شنبه، د سرطان ۲۶) د پاکستان او انګلستان کرکټ ملي لوبډلو ترمنځ لومړۍ نړیواله شل اوریزه لوبه د پاکستان لوبډلې وګټله.
انګلستان پچه وګټله او لومړی یې پاکستان ته د توپوهنې بلنه ورکړه.
پاکستان په ټاکلو ۲۰ اورونو کې د ۶ لوبغاړو په سوځېدو ۲۳۲ منډې وکړې.
له ډلې یې بابر اعظم ۸۵، محمد رضوان ۶۳ او فخر زمان ۲۶ منډې وکړې.
د انګلستان لوبډلې په شلم اور کې خپل ټول لوبغاړي له لاسه ورکړل او یواځې یې ۲۰۱ منډې وکړې او لوبه کې ماتې وخوړه.
د دوی له خوا لیوینګسټون ۱۰۳ او جیسن رای ۳۲ منډې وکړې.
د یادونې ده، چې د دواړو لوبډلو ترمنځ به دوهمه نړیواله شل اوریزه لوبه د جولای په ۱۸مه نېټه ترسره شي.