تاند (دوشنبه د سرطان ۲۱) د افغانستان د عدلیې وزارت وايي، په تېرو شپږو میاشتو کې لسو بهرنیانو ته د افغانستان تابعیت ورکړل شوی دی.
د عدلیې وزارت نن دوشنبه په یوه خبرپاڼه کې ویلي، دغه کسان د بېلابېلو هیوادونو اوسېدونکي دي چې په دې وروستیو کې یې د افغانستان د تابعیت غوښتنه کړې وه.
په خبرپاڼه کې همدارنګه راغلي چې ۱۰۲ تنو افغانانو بیا په بهر کې د تابعیت تر لاسه کولو لپاره د افغانستان د تابعیت پرېښودلو غوښتنه کړې ده.
د عدلیې وزارت د معلوماتو له مخې، د تېرو شپږو میاشتو راهیسې ۱۷۸ بهر میشتې افغانان چې د افغانستان د تابعیت پرېښودلو غوښتنه یې کړې وه دوسیې څېړل شوي دي.
د افغانستان د عدلیې وزارت د افغانانو له خوا د خپل تابعیت پرېښودلو عمده لامل د ځینې هیوادونه دوه ګونی تابعیت نه قبول ښودلی او زیاته کړې یې ده چې د کوربه هیواد د تابعیت تر لاسه کولو لپاره باید خپل اصلي تابعیت پرېږدي.