تاند ( یکشنبه، د سرطان ۲۰) د اسټرالیا او وېسټ انډیز ترمنځ دوهمه نړیواله شل اوریزه لوبه هم د وېسټ انډيز لوبډلې وګټله.
دا لوبه چې تېره شپه ترسره شوه په کې لومړی اسټرالیا پچه وګټله او وېسټ انډیز ته یې د توپوهنې بلنه ورکړه.
ویسټ انډیز په ټاکلو ۲۰ اورونو کې د ۴ لوبغاړو په سوځېدو ۱۹۶ منډې وکړې.
د اسټرالیا ټوله لوبډله په شلم اور کې د ۱۴۰ منډو په جوړولو وسوځېده او د ۵۶ منډو په ستر توپیر یې لوبه یې وګټله.
د لوبې د غوره لوبغاړي جایزه شیمرون هیټمایر ترلاسه کړه.
د یادو دواړو لوبډلو ترمنځ د ۵ نړیوالو شل اوریزو لوبو لړۍ کې وېسټ انډيز دوه لومړنۍ لوبې ګټلي او درېیمه لوبه به يېد جولای په ۱۳مه نېټه ترسره شي.