تاند ( سې شنبه، د سرطان ۱۵ مه ) زردالو چې د اوړي د موسم یوه خاصه تازه مېوه شمېرل کیږي ډیری خلک یې زړي هم په ډېر زوق او مینه خوري.
خو روغتیا پوهان خبر ورکوي چې د زردالو د زړو ډېر خوراک روغتیا ته زیان رسوي او خوراک سره یې باید احتیاط وشي.
د پوهانو په وینا، زردالو د اوړي موسم هغه مېوه ده چې بې شمېره روغتیایي ګټې لري.
خو د خوراکي توکو کارپوهان وایي چې زردالو د نوې وینې په جوړولو کې مهم رول لوبوي او ډېر کسان د زردالو زړی هم ماتوي او په شوق سره یې خوري چې دا روغتیا ته زیان رسولی شي.
د زردالو زړی د بادامو په څېر خوند لري؛ خو د ماهرینو په وینا د دغه تازه مېوې زړی د ایمګډالن لرونکی وي چې بدن ته په تلو سره د سایناییډ زهرو شکل خپلوي او ډېر خوراک یې د مړینې سبب کېږي.
روغتیا پوهان زیاتوي چې له دې پرته د زردالو د زړي خوراک نورې ستونزې هم رامنځته کوي چې د سر ګرځېدل، زړه بدوالی، کانګې کول او شریانونو ته زیان رسول هم په دې نوملړ کې ځای لري.
خو د زردالو د زړو په اړه په عام ډول دا هم ویل کېږي چې دا د سرطان پر ناروغۍ د اخته کسانو لپاره ډېر ګټور وي