تاند ( سه شنبه، د سرطان ۱) د پاکستان سوپر لیګ کوالیفایر لوبه کې تېره شپه د ملتان سلطانز او اسلام اباد یونایټیډ لوبډلو ترمنځ لوبه ترسره شوه.
د ملتان سلطانز لوبډلې پچه وګټله او لومړی یې توپوهنه غوره کړه.
ملتان سلطانز په ټاکلو ۲۰ اورونو کې د ۵ لوبغاړو په سوځېدو ۱۸۰ منډې وکړې، چې له ډلې یې مقصود ۵۹، خوشدل شاه ۴۲ ناسوځېدلې، جوهانسن چارلس ۴۱ تر نورو ډېرې منډې وکړې.
د اسلام اباد یونایټیډ لوبډلې په ۱۹ اورونو کې د ټولو لوبغاړو په سوځېدو یوازې ۱۴۹ منډې وکړې او د ۳۱ منډو په توپیر یې په لوبه کې ماتې وخوړه.
اسلام اباد لپاره عثمان خواجه ۷۰ او حسین طلعت ۲۵ منډې وکړې.
د ملتان له خوا سهیل تنویر او بلیسنګ موزرباني ۳-۳ لوبغاړي وسوځول.