تاند ( پنج شنبه، د جوزا ۲۷) ننګرهارکې د ګلبهار په نوم د کرکټ مینه والو ته روزنځای جوړ او تېر ماښام پرانیستل شو.
مسوولان وایي، چې پر دغه روزنځای شاوخوا ۱۳۳ زره امریکایي ډالره لګښت راغلی او چارې یې د شپږو میاشتو په موده کې پای ته ورسېدې.
دا روزنځای چې په پینځه جریبه ځمکه جوړ شوی په کې لس وېکټې، جيم، د لامبو وهلو حوض، بالنګ ماشين، لایټېنګ سیستم، مسجد او پارکېنګ موجود دي.
د کرکټ د دې روزنځي دپرانیستې په مراسمو کې د کرکټ بورډ چارواکو او یو شمېر ملي لوبغاړو هم ګډون کړی وو.
د کرکټ بورډ ډارکټر رئیس خان احمدزي، کريم خان صادق دا روزنځای د ځوانانو لپاره یو ښه فرصت وباله او هیله یې وښوده چې ځوانان به هم ترې سالمه ګټه اخلي.