تاند ( پنج شنبه، د جوزا ۲۷) د پاکستان په سوداګریز لیګ ( پې اېس اېل ) کې ۲۵ مه لوبه د ملتان سلطانز او کوټې ګلېډېټرز لوبډلو ترمنځ ترسره شوه.
کوټې د لوبې پچه وګټله او ملتان ته یې لومړی د توپوهنې بلنه ورکړه.
ملتان سلطانز په ټاکلو ۲۰ اورونو کې د ۵ لوبغاړو په سوځېدو ۱۸۳ منډې وکړې.
شان مسعود ۷۳، جوهانسن چارلس ۴۷، محمد رضوان ۲۱ او خوشدل شاه ۲۰ ناسوځېدلې منډې وکړې.
د کوټې له خوا خرم شهزاد ۲، ظاهر خان او حسن خان ۱-۱ لوبغاړي وسوځول.
د کوټې ګلېډېټرز لوبډلې ونشو کولای ټاکل شوی هدف پوره کړي.
یادې لوبډلې خپل ټول لوبغاړي په ۱۳ ام اور کې د ۷۳ منډو په ترسره کولو له لاسه ورکړل او لوبه یې د ۱۱۰ منډو په ستر توپير وبایلله.
ګلېډېټرز لپاره تر ټولو زیاتې منډې ۱۹ منډې جیک ویدرالډ وکړې.
د ملتان لپاره بیا عمران طاهر ۳، عمران خان ۲ لوبغاړي وسوځول.