تاند ( سه شنبه، د جوزا ۲۵) د افغانستان د فوټبال ملي لوبډله نن شپه د هند د فوټبال له ملي لوبډلې سره لوبه لري.
دا لوبه د افغانستان پر وخت شپږنیمې بجې پيلېږي.
افغان لوبډلې له دې وړاندې د عمان پر وړاندې لوبه ترسره کړه.
یاده لوبه عمان لوبډلې ۲ د ۱ په مقابل کې وګټله او افغان لوبډلې ته یې ماتې ورکړه.
له عمان وړاندې افغان لوبډلې له بنګله دېش لوبډلې سره لوبه ترسره کړه، چې هغه لوبه یو ـ یو مساوي پای ته ورسېده.
د یادونې ده، چې دا لوبې د فوټبال نړیوال جام او د اسیا د اتلولۍ جام ته د لارموندنې په موخه پیل شوي دي.
دغه راز په یوه بله لوبه کې بیا د افغانستان د فوټبال ښځینه لوبډلې په ستر توپير ۸ د ۰ په مقابل کې له ایران څخه ماتې وخوړه.