تاند ( جمعه، د جوزا ۲۱) د پاکستان سوپر لیګ شپږم پړاو ۱۶مه لوبه د ملتان سلطانز او کراچۍ کېنګز لوبډلو ترمنځ ترسره شوه.
کراچۍ کېنګز پچه وګټله او لومړی یې ملتان سلطانز ته د توپ وهنې بلنه ورکړه.
ملتان لوبډلې په ټاکلو ۲۰ اورونو کې د ۵ لوبغاړو په سوځېدو ۱۷۶ منډې وکړې.
ريلي روسو ۴۴، خوشدل شاه ۴۴ ناسوځېدلې، سهیب ثاقب ۳۱ او محمد رضوان ۲۹ منډې ترلاسه کړې.
د کراچۍ کېنګز له خوا تیسارا پریرا ۲، وقاص مقصود او عماد وسیم ۱-۱ لوبغاړي وسوځول.
د کراچۍ کنګز لوبډلې په ټاکلو ۲۰ اورونو کې د ۷ لوبغاړو په سوځېدو ۱۶۴ منډې وکړې او لوبه یې د ۱۲ منډو په توپیر بایلوده.
د دوی له لوري بابر اعظم ۸۵ ناسوځېدلې او چاډویک والټن ۳۵ منډې وکړې.
د ملتان سلطانز له خوا بیا عمران خان ۳ او عمران طاهر ۲ لوبغاړي وسوځول.
په دې لوبه کې افغان لوبغاړو رحمن الله ګربز د خپلې لوبډلې ملتان لپاره ۳ او نجیب الله ځدراڼ بیا د خپلې لوبډلې کراچۍ کېنګز لپاره ۱۱ منډې وکړې.