تاند- (پنجشنبه، د جوزا ۱۳) په اي (E) ګروپ کې د افغانستان د فوټبال ملي لوبډله د اسیايي جام او نړیوال جام لپاره په مقدماتي سیالیو کې نن د بنګله دېش له لوبډلې سره مسابقه مساوي کړه.
دا لوبه د افغانستان په وخت د مازدیګر شپږ نیمې بجې د قطر د پلازمېنې دوحې په جاسم بن حمد لوبغالي کې پیل شوه.
د مسایقې په لومړۍ نیمايي کې هیڅ لوبډلې ګول ونه واهه خو په په ۴۷ دقثیقه امیرالدین شریفي د افغانستان لپاره ګول وواهه.
د بنګله دېش لوبغاړي توپو برمالن په ۸۳ یمه دقیقه سیالي مساوي کړه.
د فوټبال نړیوال جام سیالۍ په ۲۰۲۲ او اسیايي اتلولۍ په ۲۰۲۳ م کال کېږي.