تاند ( پنج شنبه، د جوزا ۱۳) د افغانستان د فوټبال د ملي لوبډله نن د بنګله دېش فوټبال ملي لوبدلې سره لوبه لري.
دا لوبه مازېګر شپږ بجې پیلېږي.
د افغانستان فوټبال فدراسیون وایي ،دا د فوټبال ۲۰۲۲کال نړیوال او د ۲۰۲۳ کال د آسیا د ملتونو جام د پيل لوبې دي.
افغان لوبډلې تر دې وړاندې له اندونیزیا او سنګاپور سره تمریناتي لوبې ترسره کړي دي.
افغان لوبډلې په لومړۍ لوبه کې د ۳ ګولونو په وهلو سره د اندونېزیا لوبډله ماته کړه او دوهمه لوبه یې له سینګاپور سره ۱ په ۱ مساوي پای ته ورسېده.
سرچینه زیاتوي، چې افغان لوبډله په قطر کې ده او د بنګله دېش پر وړاندې لوبې لپاره یې تېره شپه پوره تمرینات کړي دي.