تاند – د پکتیا والي حلیم فدايي وايي چې په دې ولایت کې د ۷۸ میليونه افغانيو په لګښت د کورونا ناروغانو لپاره د یوه سل بستريز روغتون د جوړېدو چارې بشپړې او افتتاح شو.
د ښاغلي فدايي په خبره د ولسمشرۍ ماڼۍ د عملياتي ادارې له خوا جوړ شوی دغه روغتون، ۵۵ خونې او د کورونا ناروغانو د درملنې ټول امکانات لري چې د جوړېدو چارې يې د يوه کال په موده کې بشپړې شوې دي
د چاروواکو په خبره چې دغه روغتون له ټولو امکاناتو برخمن دی او نور به پر کورونا وبا د اخته کسانو درملنه په همدې روغتون کې کېږي.