تاند ( شنبه، د جوزا ۸مه) د افغانستان د عامې روغتیا وزارت چارواکي وایي، چې په تېرو ۲۴ ساعتونو کې په هېواد کې تازه ۶۵۴ نوې پېښې ثبت شوي او ۲۰ ناروغان مړه شوي دي.
د عامې روغتیا وزارت زیاتوي، چې په هېواد کې له تېرې شپې راهیسې ۲۰ ناروغان مړه شوي، چې یوازې ۶ یې په کابل کې دي.
سرچینه وایي، چې د تازه ثبت شویو پېښو سره د ټولو اخته کسانو شمېر ۷۰ زره ۷۶۱ کسانو ته ورسېده.
له دې شمېر څخه ۵۷۲۸۱ ناروغان رغېدلي ۲۹۱۹ نور مړه شوي دي.
د عامې روغتیا وزارت مسوولان زیاتوي، چې د کورونا وبا تازه څپه په چتکې د خپرېدو په حال کې ده.
یاد وزارت د دې ویروس د خپرېدو د مخنیوي لپاره سر له نن شنبې ( د غبرګولي ۸) د کابل په ګډون په ۱۶ ولایتونو کې ټول دولتي او خصوصي ښوونځي، پوهنتونونه او د روزنې مرکزونه د دوه اوونیو لپاره رخصت کړل.