تاند (شنبه د جوزا ۱) ولسمشر اشرف غني د افغانستان لپاره د ترکیې د نوي سفیر جهاد ارګین باورلیک ومانه.
د ارګ په خبرپاڼه کې راغلي چې ولسمشر غني د افغانستان لپاره د ترکیې نوي سفیر ته په ورسپارل شوي ماموریت کې د بریا هیله وکړه.
د ښاغلي غني په خبره چې افغانستان له ترکیې سره د اړیکو دوام ته ژمن دی او د سولې پروسه کې د دغه هېوا د هڅو قدرداني کوي.
د خبرپاڼې له مخې جهاد ارګین له افغانستان سره د خپل هیواد د همکاریو پر دوام ټینګار وکړ او زیاته یې کړه چې ترکیه په افغانستان کې د سولې او ثبات د تامین لپاره ژمنه ده.