تاند (پنجشنبه، د ثور۲۳) د انګلیستان کینټ کرکټ اعلان وکړ چې افغان سپینر لوبغاړی قیس احمد به د دې سیمې د کرکټ په اتلولیو کې لوبېږي.
قیس احمد، د افغانستان د کرکټ په ملي لوبډله کې په شل اوریزو سیالیو او دغه راز، شپږیزه، کربین لیګ، د بنګله دېش غوره لیګ، د پاکستان غوره لیګ، د استرالیا بیګ باش او د سریلانکا په غوره لیګ سیالیو کې لوبېدلی دی.
۲۰ کلن قیس احمد په۶۷ شل اوره سیالیو کې ۷۷ لوبغاړي سوځولي او د ورکړیو منډو اوسط یې ۷ اعشاریه ۵ دی.
ده په شل اوره سیالیو کې ښه بیټنګ هم کړی او ناسوځېدلې پنځوسیزه یې په خپل نوم ثبت کړې ده.
ده په ۲۰۱۹ د بنګله دېش په وړاندې د افغانستان په ټیستلوبه کې ګډون کړی چې په ۹ اورونو کې یې د ۲۸ منډو د ورکولو په وړاندې یو لوبغاړی وسوځاوه.
قیس احمد له کینټ سره پر یوځای کېدو خوښي ښکاره کړه.