تاند – په امريکا کې ديوې نوې خپرې شوې احصايې له مخې په راووسته پينځو کلونو کې په سلو کې شلو امريکايانو د ديپريشن ضديا د ژور خپګان ضد درمل استعمال کړي دي.
له دې څيړنې داسي ښکاري چې په امريکا کې ډير خلک د سترس يا روحې فشارونو ښکار دي. ډيرځله پرله پسې روحې فشارونه د ديپرشن يا ژورخپګان سبب کيږي.
ویټامین ډي
په يوي بلې څيړنې کې راغلي هغه کسان چې لږ د لمر له وړانګو سره مخامخ کيږي د ويتامين ډي له کموالي سره مخامخ کيږي. ويټامين ډي د انسان د هډوکو په کلکوالي کې مهم رول لوبوي.
دغه ويټامين ماشومانو ته ډير ضرروي دي. د لمر له مستقيمو وړانګو سره له مخامخ کيدو ځخه انسان په وړيا توګه دا ويټامين ترلاسه کولی شي. رويترز خبري اژانس چې په نړۍ کې يي د وروسيتو روغتيايي څيړنو په اړه خبرونه خپاره کړي ليکې:
حتي په متوسط عمر کې هم که انسان د ژوند طريقه بدله کړي نو د زړه دناروغيو خطرهپه یېلږشي. څيړنو ښودلې که د منځني عمرخاوندان په ورځنیو خوراکونوکې ډيره ترکاري او ميوه وخوري او په منظمه توګه سپورت وکړي ،سګرټ پريږدي د زړه د ناورغيو له خطر ه به وژغوري.