تاند(جمعه، د ثور۱۰) ټاکل شوې ده چې د انګلیستان بوني هیل کرکټ کلب له افغان لوبغاړي ابراهیم ځدراڼ سره قرارداد وکړي.
د دې لوبډلې کیپتان ټام میلر وویل، که د ابراهیم ځدراڼ د وېزې په چارو کې ستونزې پېښې نه شي، دوی لېواله دي چې له استعداده یې په خپل کلب کې ګټه واخلي.
ابراهیم ځدراڼ په وروستیو څو سیالیو کې د یوه ښه بېټسمن په توګه وځلېد.
ده د افغانستان لپاره د نولس کلونو په دوو نړیوالو جامونو کې لوبه کړې ده.
د هیل کلب کیپتان په دې خواشیني څرګنده کړې چې د ابراهیم ځدراڼ د ویزې پروسه اوږده شوې ده.